පින්තුරේ ගැන : මේක ක්ලික් උනේ 2017 පෙබරවාරි, ලොකේෂන් එක San-jacinto Battleground, Houston TX, USA, කුරුල්ලාගේ නම Northern cardinal (Cardinalis cardinalis), පිටිපස්සේ තියෙන කනුව වගේ එකට තමයි San-jacinto Monument එක කියන්නේ. එසේ මෙසේ කණුවක් නෙමෙයි, ආදී 567ක් උසයි. උඩම තියෙන තරුව (Lone star of Texas) ටොන් 220ක් බරයි. විකිපීඩියාණෝ කියන විදියට ලෝකේ තියෙන උසම කුළුණු ස්මාරකයලු.
කැමරාව නිකොන් D90, Focal length 135mm, Exposure time 1/640s, ISO200, f/5.6, බැලූ බැල්මටම පේනවනේ කොච්චර අහඹු කිලික් එකක්ද කියලා...
What to take home: ඔය කනුව හදල තියෙන්නේ ඔය ස්ථානයේදී වෙච්ච යුද්ධයක් සහ ඒ යුද්ධෙදි ජීවිත පුජා කරපු අයව සිහි කරන්න කියලා. ඔය තැනට යන්න තියෙන්නෙත් නිදහසේ මාවත (Independence Parkway) දිගේ. නිදහස සමරන්න ලොකු ලොකු දේවල් කලාට අපි ඇත්තටම නිදහස්ද? වෙලාවකට අපි හිතනවා අපි වැඩ වලින් නිදහසක් අරගෙන පොඩි විනෝදයක් ගන්නවා කියලා. විනෝදෙ ගන්න යන්නේ හරියට නිකන් මේ කුරුල්ලා අහසේ පියාඹන්න යනවා වගේ නෙමෙයිද. හැබැයි ඉතින් නිකන් හිතෙන්නැද්ද පියාඹන්න ගියාට අපේ අත්තටු කපලා කියලා. අත්තටු තිබ්බත් ඒවා විහිදන්න තරම් නිදහසක් නෑ කියලා. අපි විනෝදෙන් ඉඳලා ආපහු ගෙදරට හරි වැඩට හරි යන්නේ පරණ හිතේ බරම අරගෙන නෙමෙයිද? නිකන් හිතන්නකෝ කොච්චර සති අන්තයේ ජොලි කෙරුවත් සඳුදාට වැඩට යන්නේ චුරු චුරු ගගා නෙමෙයිද? ගොඩක් අයගේ කතාව එහෙම තමයි. නිදහස් (independent) කියලා කිව්වට ඔබ ඇත්තටම ඉන්නේ යම් දෙයකට යටත් වෙලා (dependent). සමහරවිට ඒ ඔබේ රැකියාවේ වගකීම් වෙන්න පුළුවන්, පවුල වෙන්න පුළුවන්, ඉගෙන ගන්න දේ වෙන්න පුළුවන්. හැබැයි ඔය හැම දේටම වැඩ වැදගත් වෙන්නේ ඔබ ඔබගේම සිතිවිලි වලට යටත් වෙලාද කියන එකයි. ඒක නම් තත්ත්වය, එකට විසඳුම එහෙම නැත්නම් "නිදහස" තියෙන්නේ ඔබ ළඟමයි. ඉතින් කොහොමද එක හොයාගන්නේ. කියන්නේ හරියටම දන්නේ නෑ. මාත් තාම හොයනවා.. හොයාගත්තු දවසක කියන්නම්. මට කලින් එක ඔබ හොයාගත්තොත් මටත් කියල දෙන්න...
හැබැයි ඉතින් ඔබේ කතාව ඇත්තටම මේ වගේ නෙමෙයි නම්, ඔව් සතුටු වෙන්න ඔබේ ජීවිතේ එසේ මෙසේ එකක් නෙමෙයි, ඕක තමයි නියම නිදහස, ඔබ කරන්නේ ඔබ කැමති දෙයක් බවයි එකෙන් කියවෙන්නේ.
No comments:
Post a Comment