මිතුරේ කියන් සහ වෙනත් කතා

මේ කියන්න හදන්නේ අවුරුදු ගාණක් පරණ සින්දුවක් ගැන. කියන්නේ ප්‍රිහාන් මඩප්පුලි සමඟ AKA. ප්‍රිහාන් කියපු ප්‍රසිද්ධ සින්දු දෙකක් තමයි "යායට පායනා පෝ දා සඳ" සහ "වැව් තලේ". මේ දැන් කියන්න සින්දුව  තාම මතක ඇති කියලා හිතනවා. මතක නැතිනම් මෙන්න මතක් කරගන්න...

සින්දුවේ වචන මෙන්න,

(මිතුරේ කියන් ...)

මිතුරේ කියන්... මා දෙස බලන්...
ඔබ මා නෙත් හමුවිය හැකිදෝ...
එදා පටන්... අද වනතුරා... ඔබ හද රිදවන්නට මා...
කිමක් කලදෝ... කිමක් කලදෝ... කිමක් කලදෝ...

මිතුරේ පවසන් දිවියේ එන හැඟුමන්
කිසිවක් කරමින් මඟ හරවන්නේ
ඔබගෙන් සඟවා සිටිනා සෑමදා
පරලොවකට සම වූවා මේ ජීවිතේ...
පරලොවකට සම වූවා මේ ජීවිතේ...

(මිතුරේ... මිතුරේ...)
(දිවියේ... දිවියේ...)

මා ඔබ හට අත හිත දී සැපටත් දුකටත් සමවී
කිසිදා තනිකර නොදමා...
ඇයිදෝ මෙලෙසේ... මා ලෝකය අඳුරු කලේ...
ඔබ හට මා නොදෙමි සමා...

සොයුරන් සේ... අප හැදී වැඩී
කිසිදාවත්... නෑ සිටියේ වෙන් වී
ඔබ දෙදෙනා... අතරේ අගහිඟකම්
ඇති වුයේ කිමදෝ... කියා පවසන්

මිතුරේ පවසන් දිවියේ එන හැඟුමන්..
කිසිවක් කරමින් මඟ හරවන්නේ...
(ඔබ අප මිතුදම ඇයි බිඳ දැමුවේ)
ඔබගෙන් සඟවා සිටිනා සෑමදා....
පරලොවකට සම වූවා මේ ජීවිතේ...
පරලොවකට සම වූවා මේ ජීවිතේ...

ඔබ දෙදෙනා... අතරේ අගහිඟකම්
ඇති වුයේ... කිමදෝ කියා පවසන්

මිතුරේ කියන් දිවියේ එන හැඟුමන්..
කිසිවක් කරමින් මඟ හරවන්නේ...
ඔබගෙන් සඟවා සිටිනා සෑමදා....
පරලොවකට සම වූවා මේ ජීවිතේ...
පරලොවකට සම වූවා මේ ජීවිතේ...
පරලොවකට සම වූවා මේ... ජීවිතේ...

ගායනය: ප්‍රිහාන් මඩප්පුලි & AKA 

සංගීතය: අශි ෂෙරිෆ් (Azi Sheriff)

පද රචනය: සංඛ B 

සංගීත වීඩියෝ අධ්‍යක්ෂ: අයේෂ් විජේරත්න 

AKA කියන්නේ රංග B සහ Azi Sheriff දෙන්නගෙන් සමන්විත ගෘප් එකක්. එයාලා දැන් මොකද කරන්නේ කියලා නම් හොයාගන්න බැරි වුණා. ප්‍රිහාන් නම් කසාදෙන් පස්සෙම දැක්කේ නෑ. සින්දුව දවස් දෙක තුනකට කලින් ආපහු මගේ ඔළුවට ආවේ අර කලින් කියපු ප්‍රිහාන්ගෙ අනිත් සින්දු දෙක අහද්දී. මේ සින්දුවේ මගේ  ගත්තු දේවල් තමයි ගායකයෝ තුන් දෙනාගේ හඬවල්, සංගීතය සහ අමුතුම ආරක වීඩියෝ එක. මේක මුලින්ම ඇහුවේ සෑහෙන කාලෙකට කලින්. අයේෂ් මේක එයාගේ යූ ටියුබ් චැනල් එකට අප්ලෝඩ් කරලා තියෙන්නේ 2010දී. හැබැයි මගේ මතක නිවැරදි නම් මේක 2006-2008 කාලේ විතර තමා නිකුත් උණේ.

වීඩියෝ එක පටන් ගන්නේ අසල්වැසි ගෙවල් දෙකක ඉන්න යාලුවෝ දෙන්නෙක් සඳළුතල දෙකේ ඉඳන් රවාගෙන වගේ බලන් ඉන්න එකෙන්. එතනින් එහාට වීඩියෝ එකේ පෙන්නන්නේ මේ යාලුවෝ දෙන්න අතරේ වෙච්ච රණ්ඩුවක් පටන් ගත්තු තැනට පස්සෙන් පස්සට යන හැටි. පේන විදියට සංඛගේ පෙම්වතී සහ ප්‍රිහාන් අතර පොඩි මෙව්වා එකක් තියෙනවා. සමහරවිට කලින් යාළුවෙලා ඉඳල තියෙනවා වගේ. වීඩියෝ එකේ අන්තිම හරියේ පොතේ පිටු පෙරළෙන කොට පේනවා ඔය ගැහැණු ළමයාගේ පින්තුරේ පාවාදීම (betrayal) කියන වචනෙත් එක්ක පෙන්නන එකෙන් ඒක තහවුරු වෙනවා. අනිත් ලස්සනම දර්ශනේ තමයි ප්‍රිහාන් ගැහැණු ළමයාගේ මුහුණට මුහුණ බලන් ඉන්න දර්ශනය (රණ්ඩුව සාධාරණයි වගේ).

දැන් වැදගත්ම දේ, මේ ආපස්සට යන වීඩියෝ එක. අයේෂ්ම පැහැදිලි කරන විදියට එය පාවිච්චි කරන්නේ reverse chronology (ආපසු කාල නිර්ණය) කියන කොන්සේප්ට් එක. වීඩියෝ එක ආපස්සට ගියාට සින්දුව කියන්නේ හරි විදියට. කොහොමද ඉතින් මෙයාල මේක කළේ? වීඩියෝ එක කැමරා කරද්දී ප්‍රිහාන් එහෙම ඇවිදින්නේ හරි පැත්තට. හැබැයි එතකොට එයාලා සින්දුව කියන්නේ ආපස්සට. එයාල එක ආපස්සට රෙකොර්ඩ් කරලා ගායනා කරන ගමන් තමයි රඟපාන්නේ. ලේසි වගේ නේද වැඩේ? මට නම් එහෙම හිතෙන්නේ නෑ. කෝ කට්ටිය බලන්නත් එක්ක මෙන්න මේ කෑල්ල කියමු තාලෙට,

"න්ලබ සදෙ මා... න්යකි රේ...තුමි"

වැඩි විස්තර සඳහා මෙන්න මිතුරේ කියන් වීඩියෝව හදන හැටි ගැන කියවෙන වීඩියෝ එක.

හි හී, හරි ඉතින් what to take home? අද කාලේ හොටු පෙරාගෙන අඬන වීඩියෝ බලන අතරේ මේ වගේ වීඩියෝ එකක් කොච්චර වටිනවද කියලා මට හිතුණා. අයෙෂ්ට මේ වගේ අදහසක් ආපු එක සහ අවුරුදු ගානකට කලින් මේ කරපු වැඩේ අදටත් රස විදින්න පුළුවන් විදියට තියෙන එක හරිම වටිනවා. 

ඔව් දැන් මට මග ඇරුණු පොයින්ට් එක, ටොපික් එක මෙතනින් එහාට සම්පුර්ණයෙන්ම වෙනස් වෙනවා. මේ වගේ දෙයක් කරපු අයේෂ් දැන් මොකද කරන්නේ කියන දේ... එක පාර ලොකු කුතුහලයක් ආවා මට. ඉතින් හොයාගෙන හොයාගෙන ගියා අයේෂ් මහත්තයාගේ digital footprints දිගේ. යූ ටියුබ් එකේ සහ ෆේස්බුක් එකේ...

ඒක එක විදියක ලෝකයක්, මං නමින් දැනන් හිටියේ නැති වුණාට අයේෂ්ගේ නිර්මාණ මගේ ෆෙවරිට් ලිස්ට් එකේ තියෙන බව මට තේරුණා. කිහිපයක් කිව්වොත් එහෙම,

අම්මා (6th Lane)

ලබැඳියේ (ළහිරු පෙරේරා) 

දෑසින් පෑ (ළහිරු පෙරේරා)

කැස්සට කොස් ඇට (ළහිරු පෙරේරා)

යන තැනක (මිහිඳු ආරියරත්න)

සහ ඔය අස්සේ තව අළුත් සින්දුවක් දැක්කා රහස් (මිලින් රූපසිංහ) කියලා.
(මෙතැන තියෙන සින්දුවක් බලන්න ඕනි නම් සින්දුවේ නම උඩ ක්ලික් කරන්න. යූ ටියුබ් වීඩියෝ එකට ලින්ක් කරලා තියෙන්නේ. )

අයේෂ්ගේ නිර්මාණ වල තියෙන වෙනස තමයි "වෙනස". එකිනෙකට එකක් වෙනස්. එකම විදියේ කම්මැලි රූප රචනා අතරේ අයේෂ්ගේ මුලිකත්වයෙන් තැනුණු මේ නිර්මාණ පැහැදිලිවම කැපී පේනවා. අයේෂ් දැනට The Colombo Films කියන නිර්මාණ ආයතනයේ අධ්‍යක්ෂ සහ රචකයෙක් විදියට වැඩ කරනවා. ඒ වගේම ඔහු දක්ෂ දෘශ්‍ය ප්‍රයෝග ශිල්පියෙක්. මෙතනින් ගිහින් බලන්න කැස්සට කොස් ඇට ගීතය හදන හැටි. මේකේ VFX අයේෂ්ගේ.

අන්තිමට ඉතින් කියන්න තියෙන්නේ, අයේෂ්ගේ තවත් වැඩ කිඩ බලාගන්න කැමති නම් මෙතනින් එයාගේ ෆේස්බුක් පේජ් එකටයි, යූ ටියුබ් චැනල් එකටයි ගිහිලලා ෆලෝව් කරන්න.